GENDER STEREOTIPLARI VA MADANIY KONTEKSTDA KAMTARLIKNING VERBAL REALIZATSIYASI

Abstract

Mazkur maqolada gender stereotiplari va madaniy kontekstning kamtarlik maksimasi orqali nutqiy ifodalanishiga ta’siri lingvopragmatik va sotsiomadaniy yondashuvlar asosida tahlil qilinadi. Kamtarlik – til orqali ifodalanadigan ijtimoiy-axloqiy qadriyat bo‘lib, uning realizatsiyasi jamiyatdagi gender rollari va madaniy normalar bilan chambarchas bog‘liqdir. O‘zbek va ingliz madaniyatlari misolida olib borilgan tahlillar asosida, kamtarlikning erkaklar va ayollar nutqidagi ifodalanish shakllari, ularning madaniy kutilmalarga qanday moslashuvi va bu jarayondagi farqlar ochib beriladi. Shuningdek, kamtarlikning turli madaniyatlarda qanday talqin qilinishi, qanday nutqiy vositalar orqali ifoda topishi hamda gender stereotiplari bu jarayonga qanday ta’sir qilishi tahlil qilinadi. Tadqiqot natijalari, til va jamiyat o‘rtasidagi murakkab o‘zaro bog‘liqlikni ochib beradi va transmadaniy kommunikatsiyada pragmatik xatolarning oldini olishga xizmat qiladi.