FASLLAR TASVIRIDA NAVOIYNING BADIIY MAHORATI

Abstract

Ushbu maqolada buyuk o‘zbek shoiri va mutafakkiri Alisher Navoiy ijodida fasllar tasvirining badiiy-estetik ahamiyati tahlil qilinadi. Muallif Navoiy asarlarida, xususan “Xamsa” dostonlarida tabiat manzaralari orqali inson ruhiyati, ichki kechinmalari va falsafiy qarashlarning badiiy ifodasi yoritilganini ko‘rsatadi. Navoiy fasllar tasvirini nafaqat estetik vosita, balki inson, tabiat va jamiyat o‘rtasidagi uyg‘unlikni ochib beruvchi poetik obraz sifatida ishlatadi. Maqolada shoir tomonidan qo‘llanilgan badiiy san’atlar — tazod, tashbeh, talmeh, mubolag‘a, tamsil kabi ifoda vositalari tahlil qilinib, ularning fasllar tasviridagi o‘rni va g‘oyaviy yuklamasi ilmiy asosda yoritiladi.