HAMZA ROMANLARIDA OBRAZLAR TIZIMI

Abstract

XIX asr oxiri – XX asrning boshlarida dunyo tamaddunida jiddiy siyosiy, ijtimoiy, madaniy o‘zgarishlar ro‘y berdi. Bu kabi o‘zgarishlar azaldan, o‘z dunyoqarashiga suyangan, ilmning barcha jabhalarida rivojlanishda bo‘lgan, ammo keyinchalik, Sho‘ro mustabid tuzumi ortidan yuksalishning har tomonidan ortda qola boshlagan Turkistonga ham o‘z ta’sirini o‘tkazmay qolmadi. Bu davr Turkiston tarixiga jadidchilikning maydonga kelishi va shakllanishi davri bo‘lib kirdi. Davr ziyoli jadidlaridan Mahmudxo‘ja Behbudiy, Munavvarqori Abdurashidxonov, Abdulla Qodiriy, Abdurauf Fitrat kabi xalq manfaati yo’lida xizmat qilishni oz oldiga maqsad qilib qo’yganlardan biri Hamza Hakimzoda Niyoziy edi. Ushbu maqolada shoir, pedagog, jamoat arbobi, o’zbek adabiyoti va san’atida sotsialistik realizmning asoschisi hisoblangan Hamza Hakimzoda Niyoziyning nasriy asarlari o’rganilishiga bo’lgan e’tibor va yangiliklar xususida so’z yuritiladi.