INGLIZCHA O‘ZLASHMA TERMINLARNING O‘ZBEK AI/IT TERMINOLOGIK TIZIMIGA INTEGRATSIYASI VA ME’YORIY MAQOMI

Abstract

Maqolada inglizcha o‘zlashma terminlarning o‘zbek sun’iy intellekt va axborot texnologiyalari diskursiga kirishi, ularning struktur-integratsion ko‘rinishlari va me’yoriy maqomi tahlil qilinadi. Asosiy e’tibor bevosita o‘zlashma, kalka, yarim kalka, qisqartma, gibrid birlik va semantik o‘zlashma kabi turlarga qaratiladi. Shuningdek, terminlarning o‘zbek terminologik tizimida barqarorlashuvi uchun yozilish izchilligi, ta’rif mavjudligi, o‘quv adabiyotlariga kirishi, mutaxassislar nutqida qabul qilinishi va o‘zbekcha grammatik vositalar bilan ishlashi muhim mezon sifatida ko‘rsatiladi.